Бөхийн барилдаан багийн болон хувийн амжилт төрлөөр 2024.03.24-ны өдөр сумын спорт зааланд зохион байгуулагдлаа. Багийн барилдаанд 1-р байр 57 даваагаар Шавагтай багийн М.Норов-Эрдэнэ даргатай Г.Гантөмөр ахлагчтай баг, 2-р байранд 49 даваагаар Номгон баг Н.Түвшинбаатар даргатай Г.Мөнхсайхан ахлагчтай баг тус тус шалгарлаа. Багийн барилдаанд хамгийн олон давааг 1-р багийн сумын начин Э. Алтангэрэл 14 даваа, 3-р багийн залуу бөх А. Сангийндалай 14 даваа, 3-р багийн сумын заан Г.Мөнхсайхан 13 даваа, залуу бөх А. Баасанхүү 13 даваа, 3-р баг сумын заан Г.Гантөмөр 12 даваа, залуу бөх С.Манал 12 давааг тус тус багтаа авчирсан байна. Бөхийн барилдааныг Сумын ЗДТГазар, Ерөнхий боловсролын сургууль, сургуулийн захирал Ж.Өлзийжаргал, Эрүүл мэндийн төвийн эмч М.Чинзориг, соёлын төвийн өвийн ажилтан Ө.Энхсүлд нар хамтран зохион байгууллаа

Сумын ИТХ-ын мэргэжилтэн дотуур байрны сурагчдад: 1. "Хувийн ариун цэвэр" 2. "Тамхины хор уршиг, түүний үр дагавар" сэдвээр сургалт зохион байгуулж, хөнжөөнт тоглоом тоглуулж, 1 сурагчийг нэгжээр урамшууллаа. Сургалтад 22 сурагч хамрагдлаа. Сурагчдын амьдардаг нийт 16 тасагт хэрэглэх тоосны алчуурыг байрын багшид хүлээлгэн өглөө.

​Сурагчдад осол гэмтлээс урьдчилан сэргийлэх талаар мэдлэг олгох, ойлголтыг нэмэгдүүлэх, хүүхэд багачуудын чөлөөт цагийг зөв боловсон өнгөрүүлэх, хаврын улирал болж байгаатай холбоотойгоор гарын ариун цэвэр, шар усны үерийн халдвараас сэргийлэх зорилгоор осол гэмтлээс урьдчилан сэргийлэх сургалтыг 2024 оны 03 дугаар сарын 21-ний өдөр 15 цагаас ЕБС-ийн 4 дүгээр ангийнханд зохион байгуулж, сургалтад 30 гаруй сурагч идэвхтэй хамрагдлаа. Сургалтыг Сумын гэмт хэргээс урьдчилан сэргийлэх салбар зөвлөл, Ерөнхий боловсролын сургууль, Эрүүл мэндийн төв хамтран зохион байгууллаа. Сургалтын сэдэв: - Түлэгдэлтээс урьдчилан сэргийлэх - Эмийн бодист хордохоос сэргийлэх - Гарын ариун цэвэр сахих - Шар усны үерийн халдвар

ОУ-ын эмэгтэйчүүдийн эрхийг хамгаалах өдрийн хүрээнд хайртай эмээ, ээж, эгч, гэргийдээ сэтгэлийн үгээ захидлаар илгээх, эх хүний хайр энэрэл, үнэ цэнийг түгээн дэлгэрүүлэх, хамгийн сайхан үгс, нандин сайхан сургааль дурсамжаа хуваалцах, захидал бичих ур чадварыг сайжруулах, хөгжүүлэх зорилгоор захидлын уралдааныг зарласан билээ. Уралдаанд 6 захидал хүлээн авч талархал, дурсгалын зүйлийг захидлын хамт гардуулан өглөө. Мөн ИТХ-аас МАРТ 8-ны цэнгүүний үеэр бүсгүйчүүдээс 2 азтан шалгаруулж, гарын бэлгээр шагналаа.

ЕБС-ийн 7 дугаар ангийн сурагчдын дунд сумын Гэмт хэргээс урьдчилан сэргийлэх зөвлөлөөс ИТХ-ын дарга Ц.Сансармаа "Тамхины хор уршиг", сэдвээр сургалт, ИТХ-ын мэргэжилтэн Ц. Гэрэлтуяа "Үе тэнгийн дээрэлхэлт" сэдвээр сургалт явуулж, сурагчдын дунд танин мэдэхүйн "АХА" тэмцээнийг зохион байгууллаа. АХА тэмцээнд: 1-р байр О. Мөнхбат 2-р байр Э. Марал-Эрдэнэ 3-р байр Б. Бямбабаяр нар шалгарч талархал, мөнгөн шагналаар шагнаж урамшууллаа. Сургуулийн Нийгмийн ажилтан Н. Нарантуяа, сумын нийгмийн бодлогын мэргэжилтэн Ц. Долгормаа нар хамтран ажиллалаа.

Аймгийн ИТХ-ын тогтоол болон Засаг даргын захирамжаар 2024 оныг “Хүүхэд, гэр бүл хөгжил хамгааллын жил” болгон зарласантай холбогдуулан хүүхдийг аливаа төрлийн зөрчил, эрсдэлээс урьдчилан сэргийлэх зорилгоор "КАМЕР" арга хэмжээг зохион байгууллаа. Тус ажлын хүрээнд сумын хэмжээнд үйл ажиллагаа явуулж буй Ерөнхий боловсролын сургууль, дотуур байр, хүүхдийн цэцэрлэгүүдэд ашиглагдаж байгаа хяналтын камерын ажиллагаанд ИТХ-ын даргаар ахлуулсан ажлыг хэсэг ЕБС-ийн хичээлийн 2 байр, дотуур байр, хүүхдийн цэцэрлэгийн хяналтын камерын ажиллагаанд хяналт хийлээ.

Эцэг эх хүүхдийн хоорондын харилцааг эерэгжүүлэх, үр хүүхдээ ойлгох дэмжихэд уриалах, хөвгүүдэд тулгамдаж буй асуудлыг шийдвэрлэхэд туслах, өөрийн үзэл бодлоо илэрхийлэх чадварыг нэмэгдүүлэх, хууль эрх зүйн мэдлэгийг дээшлүүлэх, амьдрах ухаанд суралцах, төрсөн нутгийн түүх, ёс уламжлалаа танин мэдэх зорилгоор Дэлгэрхангай сумын ЕБС-ийн 5-8 дугаар анги, 9-12 дугаар анги гэсэн ангиллаар 2 үе шаттай 2023 оны 12 сарын 07-ны өдөр 14 цаг 30 минутаас 5-8 дугаар анги, 16 цаг 30 минутаас 9-12 дугаар анги сургуулийн урлаг зааланд зохион байгуулагдлаа. Шүүгчээр ИТХ-ын нарийн бичгийн дарга Ч. Мөнхтуяа, Түүхийн багш М. Наранчимэг багш ажиллалаа. сумын Гэмт хэргээс урьдчилан сэргийлэх салбар зөвлөл, ЕБСургууль, Соёлын төв хамтран танин мэдэхүйн тэмцээнийг зохион байгуулж, 5-8р ангийн ангилалд 1-р байранд 5б ангийн сурагч Д.Эгэлмөрөн, аав Дамдинсүрэн нар 2-р байранд 8б ангийн сурагч Д.Ууганбаатар, ээж Отгонтуяа нар 3-р байранд 6а ангийн сурагч М.Дэлгэрбуян, ээж Хонгорзул нар шалгарлаа. 9-12р ангийн ангилалд 1-р байранд 9б ангийн сурагч Б. Үйлстөгөлдөр, ээж Гэрэлмаа нар 2-р байранд 11а ангийн сурагч Батхүлэг, өвөө Баясгалан 3-р байранд 9б ангийн сурагч аав Батчулуун нар шалгарлаа. Хамтран ажилласан сургуулийн нийгмийн ажилтан Н.Нарантуяа, Соёлын төвийн бүжгийн багш Д. Батчулуун, шүүгч нартаа, хүрэлцэн ирсэн эцэг эхчүүд хүүхдүүд та бүхэндээ талархал илэрхийлье

Монгол улсад шинэ Үндсэн хууль батлагдсан өдрийг тэмдэглэн өнгөрүүлэх ажлын хүрээнд шатрын спортыг Улсын их хурал ивээлдээ аван нийт орон нутагт шатрыг жигд хөгжүүлэх түгээн дэлгэрүүлэх үйлсийг 2012 оноос эхлүүлж Шатар сонирхогчдын улсын аварга шалгаруулах тэмцээнийг уламжлал болгон зохион байгуулж байгаа болно. Тус тэмцээний цар хүрээг тэлж 2014 оноос сум дүүргийн аварга шалгаруулах тэмцээнийг зохион байгуулахаар шийдвэрлэсний хүрээнд Улсын их хурлын дарга Г.Занданшатарын ивээл дор зохион байгуулах Дэлгэрхангай сумын аварга шалгаруулах насанд хүрэгчдийн шатрын тэмцээнийг 2023 оны 12 сарын 01-ны өдөр зохион байгууллаа. Уг тэмцээнд нийт эрэгтэй 12 шатарчин оролцож 2 зоонд хуваан тойргийн журмаар тоглож сумын аварга эрэгтэй шатарчинаар ЕББДС-ийн багш Х.Мөнхбат, 2-р байранд ХААТ-ийн эрхлэгч Ё.Эрдэнэбулган, гуравдугаар байранд Сүхжунай нар шалгарлаа.

Сумын ИТХ, Гэмт хэргээс урьдчилан сэргийлэх салбар зөвлөл санаачлан ЕБС, Цагдаагийн хэсэг, Эрүүл мэндийн төвтэй хамтран хөвгүүдэд тулгамдаж буй асуудлыг шийдвэрлэхэд туслах, өөрийн үзэл бодлоо илэрхийлэх чадварыг нэмэгдүүлэх, хууль эрх зүйн мэдлэгийг дээшлүүлэх, амьдрах ухаанд суралцах зорилгоор Дэлгэрхангай сумын ЕБС-ийн 5-12-р ангийн хөвгүүдийн дунд “Зөв хүүхэд” аяныг зохион байгуллаа. Үйл ажиллагааны хүрээнд: 1. Эрүүл ахуй, хулгай дээрэм, үе тэнгийн дээрэлхэлт, замын хөдөлгөөний аюулгүй байдал, хорт зуршил 5 чиглэлээр 2023 оны 11 сарын 22-ны өдөр ЕБС-ийн урлаг зааланд ГХУССЗ-ийн гишүүд сургалт зохион байгууллаа. Хөвгүүдийг 5-8 дугаар анги, 9-12 дугаар анги болгон хувааж, сургалтыг кейс дээр ажиллуулах, ярилцах, шийдвэрлэх арга замыг тодорхойлж үр дүнтэй зохион байгуулахад анхаарч ажиллав. Сургалтад 5-12 дугаар ангийн 110 гаруй хүүхэд хамрагдлаа.

Хоршоо хөгжүүлэх сангаас зээл авсан үйлдвэрлэгчдийн үйл ажиллагаатай хяналтын хороо 2023 оны 11 сарын 08-ны өдөр хяналт хийж ажиллалаа. Тус сангаас 7-н аж ахуй нэгж, иргэн зээл авч үйл ажиллагаагаа өргөжүүлэн ажиллаж байна. Хяналтын хороо нь үйлдвэрлэгч Б. Баасансугир, Ц.Даваа, Б.Хосбат, Ш.Батбаатар нарын үйл ажиллагаатай танилцлаа. Үйлдвэрлэгчид төслийн чиглэлийнхээ хүрээнд үйлдвэр үйлчилгээгээ эрхэлж орон нутгийн болон хил залгаа нутгийн ард иргэдэд бүтээгдэхүүнээрээ үйлчилж байна. Зээл аваагүй өөрсдийн боломжиндоо тулгуурлан ард иргэддээ хүнсний бүтээгдэхүүнээр үйлчилж байгаа зарим иргэдийн үйлдвэрлэдэг бүтээгдэхүүнтэй танилцлаа. 3-р багийн иргэн Ё. Пүрэвсүрэн ” Маамаа” гэрийн боорцог, 3-р багийн иргэн Б. Наранцэцэг “Цэцгэн” бууз, 2-р багийн иргэн Эрдэнэцэцэг “Хэрчсэн гурил” хийж ард иргэддээ үйлчилж байна. Эдгээр хүнсний бүтээгдэхүүнүүд “MOIN”, “ ТОЛИЙН УНДАРГА” дэлгүүрүүдээр зарагддаг эрэлт ихтэй эко бүтээгдэхүүнүүд байлаа.

Иргэдэд цаг үеийн мэдээ мэдээлэл хүргэх, түгээх, иргэдийн санал хүсэлтийг сонсох зорилгоор багийн өдөрлөгийг 2023 оны 10 сарын 22 нд сумаас 14км-т хөдөө явуулын асарт амжилттай зохион байгууллаа. Номгон багийн өдөрлөгийн үйл ажиллагаанд ИТХ-ын дарга Ц. Сансармаа, Аймгийн ИТХ-ын төлөөлөгч М. Батсүх, сумын ИТХ-ын төлөөлөгчид И. Бийширмаа, С. Цогтгэрэл, Н. Түвшинбаатар нар оролцлоо. Мөн ажлын хэсгийн бүрэлдэхүүнд: ИТХ-ын нарийн бичгийн дарга Ч. Мөнхтуяа, ЗДТГ-ын төрийн сангийн мэргэжилтэн Я. Бямбатогтох, сумын ИТХ-ын төлөөлөгч А. Билэгсайхан, ИТХ-ын ажлын албаны мэргэжилтэн Г. Гэрэлтуяа, ИНХ-ын зөвлөлийн гишүүн Т. Алтантуул, Хэсгийн төлөөлөгч Ч. Эрдэнэбулган, цагдаа О. Амартүвшин, 4-р багийн их эмч Н. Сүрэнхорол, соёлын төвийн хамт олон хамтран ажиллалаа. Өдөрлөгт Номгон багийн 100 гаруй иргэн оролцлоо. ИТХ-ын дарга Ц. Сансармаа: - ОНХС-ийн хэрэгжилтийн тайлан, Хэсгийн төлөөлөгч Ч. Эрдэнэбулган: - Суманд 2023 онд гарсан гэмт хэргийн тоо, гэмт хэргээс урьдчилан сэргийлэх тухай, ИТХ-ын ажлын албаны мэргэжилтэн Г. Гэрэлтуяа - Гэр бүлийн хүчирхийлэлтэй тэмцэх тухай хууль, хүчирхийллийн тухай ойлголтоор мэдээлэл өгч, иргэдийн санал хүсэлтийг сонслоо. Оюунбилэг захиралтай "Их уудам говь" ХХК-ний зүгээс Номгон багт 1.000.000 төгрөгийн дэмжлэг үзүүлж, 100 зусаг ямаа 4-р багийн залуу малчдад өгч малжуулах, сум орон нутагтаа тогтвор суурьшилтай ажиллаж байгаа залуу гэр бүл Ч. Алтанбулаг, А. Ралжигмаа нарт 5 ханатай гэр өглөө. Тус сумын уугуул Ариунаагийн Батбаатар Номгон багт прокетр, дэлгэцийн хамт, Номгон багийн малчин Б. Батбаатар соёлын төвд “Жалам хар” бүжгийн хувцас хандивлахаар боллоо. Т Иргэдийн дунд Буухиа, дэмбээ, олс таталтын тэмцээн зохион байгууллаа. Мөн С. Нармандах эрхлэгчтэй соёлын төвийн хамт олон маань явуулын номын сан ажиллуулж, караоке тэмцээнийг зохион байгууллаа.

2023.10.07-нд Шавагтай багийн төвийн нээлтийн үйл ажиллагаанд Аймгийн ИТХ-ын төлөөлөгч М. Батсүх, Ц. Сансармаа, сумын ИТХ-ын төлөөлөгчид, сумын Засаг дарга Ц. Одбаяр, Багийн Засаг дарга М. Норов-эрдэнэ нар оролцож, соёлын төвийн хамт олон мэндчилгээ дэвшүүлж, өдөрлөгт хүрэлцэн ирсэн малчид иргэдийн төлөөллөөс сумын түүхт 100 жилийн ойн медалиар шагналаа. Өдөрлөгт Ар шавагтай багийн 40 гаруй иргэн оролцлоо Сумын Засаг дарга Ц. Одбаяр: - Сумын 100 жилийн баяр наадмын хандивын тайлан, зарцуулалтын тайлан ИТХ-ын дарга Ц. Сансармаа: - ОНХС-ийн хэрэгжилт, тайлан Нийгмийн даатгалын байцаагч Р. Мөнхцэцэг - Нийгмийн даатгалын мэдээлэл Хэсгийн төлөөлөгч Ч. Эрдэнэбулган: - Суманд 2023 онд гарсан гэмт хэргийн тоо, гэмт хэргээс урьдчилан сэргийлэх тухай ИТХ-ын ажлын албаны мэргэжилтэн Г. Гэрэлтуяа - Гэр бүлийн хүчирхийлэлтэй тэмцэх тухай хууль, хүчирхийллийн тухай ойлголтоор мэдээлэл өгч, бусад хууль тогтоомжуудаар гарын авлага хийж иргэлэд хүргэлээ. Иргэдийн дунд Буухиа, дэмбээ, олс таталтын тэмцээн зохион байгууллаа. С. Нармандах эрхлэгчтэй Соёлын төвийн хамт олон явуулын номын сан ажиллуулж, караоке тэмцээнийг зохион байгууллаа.

Боловсролын чанар, хүртээмжийг дэмжих жилийн хүрээнд аймгийн олимпиад, ур чадварын уралдаанд амжилттай оролцсон Бага боловсролын багш Э. Бямбасайхан, СӨБ- ын багш Б. Пүрэлчулуун нарыг тус бүр ИТХ-ын даргын нэрэмжит шагнал, 200,000 төгрөгөөр урамшууллаа.

ОЛОН УЛСЫН ОХИДЫН ЭРХИЙГ ХАМГААЛАХ ӨДРИЙГ ТОХИОЛДУУЛАН "ОХИДЫН МЭДЛЭГИЙГ ТЭЛЬЕ” ҮЙЛ АЖИЛЛАГААГ ЗОХИОН БАЙГУУЛЖ БАЙНА. Олон улсын охилын эрхийг хамгаалах өдрийг тохиолдуулан 2023.10.09-нд ЕБС-ийн 6-12 дугаар ангийнханд мэдээлэл өгч, 6-8 дугаар ангийн 30 гаруй охидод ИТХ-ын ажлын албаны мэргэжилтэн Г. Гэрэлтуяа "Сарын тэмдэг, түүний мөчлөг", НЭМ-ийн мэргэжилтэн С. Оюун-эрдэнэ "Бэлгийн ариун цэвэр, ариун цэврийн зөв хэрэглээ" сэдвээр сургалт зохион байгуулж, тулгамдаж буй асуудал, цаашид хэрэгжүүлэх ажлын саналаар судалгаа авлаа.

ТОЛЬ БАГ, ТАРГАТ БАГИЙН ИРГЭДИЙН НИЙТИЙН ХУРАЛ 2023.09.29-НД ЗОХИОН БАЙГУУЛАГДЛАА. Толь баг хурлаар дараах 10 асуудлыг хэлэлцлээ. 1/ Дэлгэрхангай сумын түүхт 100 жилийн ойн баяр наадмын хандивын мэдээлэл, зарцуулалтын тайлан танилцуулах 2/ ОНХС-ийн мэдээлэл, хэрэгжилтийн явц 3/ Нэг цэгийн үйлчилгээний мэдээлэл 4/ Юнителийн сүлжээ сайжруулах, өргөтгөл хийх санал авах 5/ Таргат багт “Гөлтгөнө олборлолт”-ын чиглэлээр үйл ажиллагаа явуулж буй компаниудын тээврийн хэрэгслийн маршрут хэлэлцэх 6/ Шинэ усны гар худгийн их засвар хийх асуудлыг хэлэлцэх 7/ Толийн булгийн эхийг хаших санал авах 8/ Хороо бууцтай холбоотой ирсэн санал гомдол, өргөдлийг хэлэлцэх 9/ Малжуулах төслийн малыг шилжүүлэх 10/ Багийн сангийн малыг өөр өрхөд шилжүүлэх асуудлыг хэлэлцэх Таргат баг дараах 9 асуудлыг хэлэлцлээ. 1/ Юнителийн сүлжээ сайжруулах, өргөтгөл хийх санал авах 2/ Таргат багт “Гөлтгөнө олборлолт”-ын чиглэлээр үйл ажиллагаа явуулж буй компаниудын тээврийн хэрэгслийн маршрут хэлэлцэх 3/ Малжуулах төслийн малыг шилжүүлэх 4/ Багийн сантай болох асуудлыг хэлэлцэх 5/ Хороо бууцтай холбоотой ирсэн санал гомдол, өргөдлийг хэлэлцэх 6/ Дэлгэрхангай сумын түүхт 100 жилийн ойн баяр наадмын хандивын мэдээлэл, зарцуулалтын тайлан танилцуулах 7/ ОНХС-ийн мэдээлэл, хэрэгжилтийн явц 8/ Нэг цэгийн үйлчилгээний мэдээлэл 9/ Уул уурхайн компаниудын мэдээлэл Багийн Иргэдийн Нийтийн Хуралдаа хүрэлцэн ирсэн иргэд та бүхэндээ талархал илэрхийлье.

Өнөө цагт Монгол Улсад аж төрж буй хамгийн өндөр настай түүхэн хүнийг тодруулах номинаци зарлавал "Бүгд Найрамдах Монгол Ард Улсын Сайн малчин, Монгол Улсын Гавьяат малчин, Дайнд оролцсон ахмад дайчин Сүрэнхорын Цэгмид гуай билээ. Тэрээр 1922 онд Дэлгэрхангай сумын нутагт төрж бага наснаасаа ээж, дүү нарын хамт мал маллан амьдарч байгаад 18 настайдаа Улсын сайн малчдын анхдугаар зөвлөгөөнд төлөөлөгчөөр оролцож, Улсын сайн малчин цолыг хүртсэн. Түүнээс гадна 1942 оны өвөл Германы Фашизмын эсрэг эх орноо хамгаалан эрэлхэгээр байлдсан Зөвлөлтийн улаан армийн фронтод монголын ард түмний бэлгийг хүргэх төлөөлөгчдийн бүрэлдэхүүнд орж явсан түүх хүмүүн билээ. Олон түмэндээ фронт Цэгмид нэрээрээ алдаршсан алдартан маань 2020 онд “ Монгол Улсын гавьяат малчин” цол хүртсэн. Өндөр насны хутаг өргөх ёслолд Дундговь аймгийн ЗДТГ-ын Цэргийн штабын дарга дэд хурандаа Ө.Баясгалан, Сайхан-Овоо сумын Засаг дарга Г.Лувсанрагва, Дэлгэрхангай сумын ИТХ-ын дарга Ц.Сансармаа, Монгол-Оросын найрамдлын нийгэмлэгийн дэд тэргүүн Ё.Максим болон ОХУ-аас Монгол Улсад суугаа ЭСЯ-ны Цэрэг, агаарын цэргийн атташе хошууч генерал П.В.Петрунин, түүний туслах дэд хурандаа В.С.Буховец нарын албаны хүмүүс, Өмнөговь, Өвөрхангай, Дундговь, Сэлэнгэ, Улаанбаатар хотоос ирсэн ах дүүс, нутаг усных нь ахмад настнууд хүрэлцэн ирсэн байлаа. Ахмад дайчин Сүрэнхорын Цэгмид Танд Дэлгэрхангай сумынхаа нийт ард иргэдийн өмнөөс эрүүл энх, урт насалж удаан жаргахын ерөөлийг өргөе!

Баярын арга хэмжээ 2023.09.25-ны өдөр Өрхийн үйлдвэрлэгчдийн үзэсгэлэн худалдаагаар эхэлж, 2023.09.26-ны өдөр 5 төрлөөр тэмцээн зохион байгуулж, 150 гаруй ахмад идэвхтэй оролцлоо. Баярын хурлын арга хэмжээний үеэр Дэлгэрхангай сумын түүхт 100 жилийн ойн медалыг ахмад настан, азай буурлууддаа гардуулан өглөө. Баярын хуралд ИТХ-ын төлөөлөгч М. Батсүх, Аймгийн ИТХ-ын төлөөлөгч ИТХ-ын дарга Ц. Сансармаа, Сумын Засаг дарга Ц. Одбаяр, ЗДТГ-ын дарга Ё. Сайхантуяа, Сүлд хайрхан ТББ-ын тэргүүн, хөнгөн атлетикийн спортын мастер С. Мөнх-эрдэнэ, Ахмадын хорооны дарга С.Сайнбаяр нар оролцлоо. Софт волейболыг- Спортын мастер С. Мөнх-эрдэнэ, ЕБС, Буухиа тэмцээнийг- ИТХурал , Дэмбээ тэмцээнийг- ЗДТГазар, дээс томох тэмцээнийг- Эрүүл мэндийн төв, Шагайн наадгай тэмцээнийг- Хүүхдийн цэцэрлэг тус тус ивээн тэтгэж, зохион байгууллаа. Багийн нийт дүнгээр 1,2-р байрыг Д. Оюунбилэг захиралтай "Их уудам говь" ХХК-ний зүгээс 500.000 төгрөг цомоор ивээн тэтгэж, оролцлоо.

2023.09.25-нд Сумын ИТХ-ын ээлжит 14-р хуралдаан хуралдаж, ирц 52.3 хувьтай байлаа. Хурлаар дараах асуудлуудыг хэлэлцлээ. - Иргэдийн Төлөөлөгчдийн Хуралд хөрөнгө бүртгэх тухай - ЗДТГазарт хөрөнгө бүртгэх тухай - Хүүхдийн цэцэрлэгт хөрөнгө бүртгэх тухай - Сумын түүхт 100 жилийн ойн баяр наадмын хандив тусламжийн мэдээлэл - Хандив тусламжийн зарцуулалтын тайлан танилцуулах - Дэлгэрхангай сумын 100 жилийн хандивын үлдэгдлийг зарцуулах тухай - Газрын төлбөрийн орлого төвлөрүүлэлтийн талаарх мэдээллийг холбогдох мэргэжилтэн, албан хаагчид танилцууллаа.

Сумын ИТХ-ын дэргэдэх хяналтын зөвлөл нь: Сумын 2023 оны ОНХС-аар хэрэгжиж байгаа төсөл хөтөлбөрийн хэрэгжилт, 100 жилийн бүтээн байгуулалтын ажлуудад хяналт хийж цаашид хийж хэрэгжүүлэх ажилд нь зөвлөмж өгч ажилласан байна. Хэрэгжиж байгаа төсөл, арга хэмжээнүүд: 1. Сумын хүндэтгэлийн хаалганы орчимд хийх тохижилтын ажлын явц 2. Цэцэрлэгт хүрээлэнгийн тохижилтын явц 3. Гудамжны гэрэлтүүлгийн чимэглэлийн ажлын явц 4. Багийн зөөврийн төв 5. Гүний өрмийн худгийн ажлын явц 6. Хүүхдийн тоглоомын талбайн зураг төсөв, багуудын банны зураг төсөвтэй танилцаж цаашид анхаарах зөвлөмжийг өгч ажилласан байна.

"ГОВИЙН БҮРД 2023" ХҮҮХДИЙН ШАТРЫН ТЭМЦЭЭНД 10А АНГИЙН СУРАГЧ Т. БАТХҮЛЭГ, 9Б АНГИЙН СУРАГЧ Б. БАЯРМАНДАХ, 6А АНГИЙН СУРАГЧ Х. ТҮВШИНБАЯР НАР АМЖИЛТТАЙ ОРОЛЦЛОО. Дундговь аймгийн иргэдийн Төлөөлөгчдийн Хурлаас санаачлан зохион байгуулсан аймаг, нийслэлийн ИТХ-ын дарга нарын нэрэмжит цомын эзэн шалгаруулах хүүхдийн шатрын тэмцээн 2023 оны 06 дугаар сарын 29-ны өдрөөс 7 дугаар сарын 01-ны өдрүүдэд үргэлжилж амжилттай өндөрлөлөө. Тэмцээнд Дундговь, Дархан-Уул, Орхон, Өмнөговь, Сүхбаатар аймгуудын 80 гаруй шатар хүүхдүүд оролцож оюун ухаанаа уралдууллаа.